ఆర్టీసీ డిపో మేనేజర్ వైఖరి నిరసిస్తూ అద్దె బస్సులు నిలిపివేత
పృదులాపురి(పొదిలి) పొదిలి టైమ్స్ ప్రతినిధి:
పొదిలి ఆర్టీసీ డిపో పరిధిలో అద్దె ఆర్టీసీ బస్సు ల్లో పని చేస్తున్న డ్రైవర్లు పట్ల దురుసుగా ప్రవర్తించిన ఆర్టీసీ డిపో మేనేజర్ చర్యలు తీసుకోవాలని కోరుతూ అద్దె ఆర్టీసీ బస్సు డ్రైవర్లు ఆందోళన నిర్వహించారు.
ఆదివారం నాడు స్థానిక పొదిలి ఆర్టీసీ డిపో నందు అద్దె ఆర్టీసీ డ్రైవర్ పట్ల అనుచితంగా వ్యవహరించిన తీరును నిరసిస్తూ అద్దె ఆర్టీసీ బస్సులను నిలిపి వేశారు.
ఈ సందర్భంగా పలువురు మాట్లాడుతూ ఆర్టీసీ డిపో మేనేజర్ సుందరరావు వైఖరి తో విసిగిపోతున్నమని వ్యక్తిగత దూషణలకు దిగుతూ ఆర్టీసీ ఉద్యోగులను తీవ్ర స్థాయిలో ఇబ్బందులు పెడుతున్నారని తక్షణమే డిపో మేనేజర్ ను సస్పెండ్ లేక బదిలీ చెయ్యాలని డిమాండ్ చేశారు