పిచ్చిరెడ్డి గృహంలో పిచ్చిరెడ్డి, మద్దిశెట్టి మంతనాలు

తనకు మద్దతుగా ఎన్నికల ప్రచారం నిర్వహించాలని వినతి

మంచిరోజు చూసుకుని ప్రారంభిస్తానని పిచ్చిరెడ్డి హామీ

పొదిలి : స్థానిక తాలూకా ఆఫీసువీధి లోని పిచ్చిరెడ్డి స్వగృహంలో దర్శి నియోజకవర్గ వైసీపీ అభ్యర్థి మద్దిశెట్టి వేణుగోపాల్ మంతనాలు జరిపారు.

వివరాల్లోకి వెళితే రానున్న ఎన్నికల నేపథ్యంలో తనకు మద్దతుగా ప్రచారం నిర్వహించాలని దర్శి నియోజకవర్గ వైసీపీ అభ్యర్థి మద్దిశెట్టి వేణుగోపాల్ మాజీ శాసనసభ్యులు సానికొమ్ము పిచ్చిరెడ్డిని కోరారు.

తొలుత పుష్పగుచ్ఛం అందించి క్షేమ సమాచారాలను అడిగి మర్యాదపూర్వకంగా కలిసిన మద్దిశెట్టి…… దర్శి నియోజకర్గ రాజకీయాలలో 1985 నుండి కీలకపాత్ర పోషించి రెండు దఫాలు ఎమ్మెల్యేగా గెలిచిన ఘనత ఉన్న సానికొమ్ము పిచ్చిరెడ్డి 2009ఎన్నికల నుండి పోటీకి దూరంగా ఉన్నప్పటికీ ప్రజల గుండెల్లో ఎప్పటికీ నిలచి ఉంటారని…. 2019ఎన్నికలలో మీ ఆశీస్సులు అందించి నా మీద దయతో నావైపు ప్రచారం నిర్వహిస్తే సునాయాసంగా గెలవగలమని ధీమా వ్యక్తం చేశారు.

దీనిపై పిచ్చిరెడ్డి సానుకూలంగా స్పందించి పార్టీ గెలుపుకోసం అందరం శ్రమించాల్సిన అవసరం ఉందని…… నా ఆశీస్సులు తప్పకుండా ఉంటాయని…. ఒక మంచిరోజు చూసుకుని ప్రచారం ప్రారంభిద్దాం అని హామీ ఇచ్చారు.

ఈ సందర్భంగా మద్దిశెట్టి మాట్లాడుతూ నాకు అన్నివిధాలా సహాయసహకారాలు అందిస్తానని తెలిపినందుకు సీనియర్ నాయకుడైన సానికొమ్ము పిచ్చిరెడ్డికి ఎల్లప్పుడూ విధేయుడనై ఉంటానని అన్నారు. ఈ కార్యక్రమంలో పిచ్చిరెడ్డి అనుచరులు, మద్దిశెట్టి అనుచరులు, పార్టీ నాయకులు, కార్యకర్తలు, తదితరులు పాల్గొన్నారు.