తెలుగు దేశం పార్టీ ఆధ్వర్యంలో రాస్తారోకో ధర్నా

తెలుగుదేశం పార్టీ రాష్ట్ర కమిటీ పిలుపు మేరకు నిత్యావసర వస్తువుల ధరలు, పెట్రోల్ డీజిల్ ధరలను తగ్గించాలని కోరుతూ పొదిలి మండల తెలుగు దేశం పార్టీ కమిటీ ఆధ్వర్యంలో శనివారం నాడు స్థానిక పెద్ద బస్టాండ్ నందు రాస్తారోకో నిర్వహించి అక్కడి నుంచి నేరుగా మండల రెవెన్యూ తహశీల్దారు కార్యాలయం వరకు ర్యాలీ ధర్నా చేపట్టారు.

అనంతరం పొదిలి మండల రెవెన్యూ తహశీల్దారు షేక్ మహమ్మద్ రఫీ కీ వినతి పత్రాన్ని అందజేశారు.

ఈ సందర్భంగా పలువురు తెలుగు దేశం పార్టీ నాయకులు మాట్లాడుతూ నిత్యావసరాలు,పెట్రోల్,డీజిల్, ధరలు తారాస్థాయికి చేరాయని దానితో సామాన్య ప్రజలు పై తీవ్ర ప్రభావం చూపుతుందని రోజుకు వేల కోట్లు అప్పులు చేసి పరిపాలన సాగిస్తున్న ఏకైక ముఖ్యమంత్రి దేశంలో ఎవరైనా ఉన్నారంటే మొదటగా ఆఘనత మన రాష్ట్ర ప్రభుత్వానికే దక్కుతుందని అన్నారు.

తక్షణమే నిత్యావసర వస్తువుల ధరలు పెట్రోల్ డీజిల్ ధరలను ప్రభుత్వం తగ్గించాలని మరియు మౌళిక సదుపాయాలు కల్పించాలని ప్రభుత్వాన్ని డిమాండ్ చేశారు లేకపోతే పెద్ద ఎత్తున ప్రజల ఉద్యమం చేపడతామని హెచ్చరించారు.