పొదిలిటైమ్స్ అవార్డ్స్-2023 … ఉత్తమ క్రీడాకారుడు అవార్డు గ్రహీత గోపనబోయిన

పృదులాపురి(పొదిలి) పొదిలి టైమ్స్ ‌ ప్రతినిధి:

పొదిలి టైమ్స్ అవార్డ్స్-2023  ఉత్తమ క్రీడాకారుడు  అవార్డు గ్రహీతగా గోపనబోయిన శ్రీనివాస్ ను ఎంపిక చేసి టైమ్స్ మీడియా ప్రైవేట్ లిమిటెడ్ యాజమాన్యం అవార్డును ప్రధానం చేశారు.

పొదిలి మండలం గోగినేనివారిపాలెం గ్రామానికి చెందిన గోపనబోయిన శ్రీనివాస్ గత నాలుగు సంవత్సరాలుగా రాష్ట్ర జాతీయ స్థాయిల్లో ఈత పోటీల్లో పాల్గొని పలు విభాగాల్లో పథకాలు సాధించి అంతర్జాతీయ పోటీలలో ఎంపికై పొదిలి స్థాయిని అంతర్జాతీయ స్థాయిలోకి తీసుకొని వెళ్ళి ప్రజల మన్ననలు చొరగొన్నారు.

ఆయన చేసిన సేవలకు గుర్తింపుగా ఉత్తమ క్రీడాకారుడు  అవార్డును ప్రధానం చేసి టైమ్స్ మీడియా ప్రైవేట్ లిమిటెడ్ యాజమాన్యం ఘనంగా సత్కరించారు.

ఈ కార్యక్రమంలో పొదిలి టైమ్స్ ఎడిటర్ మందగిరి వెంకటేష్ యాదవ్, సబ్ ఎడిటర్ షేక్ మస్తాన్ , వివిధ రాజకీయ పార్టీల ప్రముఖులు తదితరులు పాల్గొన్నారు