పొదిలిలో 2వ రోజు ఊపందుకున్న జనసేన అభ్యర్థి ప్రచారం……

పొదిలి పట్టణంలో మార్కాపురం నియోజకవర్గ జనసేన పార్టీ అభ్యర్థి ఇమ్మడి కాశీనాధ్ 2వ రోజు ప్రచారం ఊపందుకుంది.

సార్వత్రిక ఎన్నికల ప్రచారంలో భాగంగా పట్టణంలోని 4,5,6వార్డుల్లో పర్యటించిన ఇమ్మడి ప్రజలకు జనసేన పార్టీ మ్యానిఫెస్టోను వివరించారు. పట్టణంలో నీరులేక పడుతున్న ఇబ్బందులను ప్రజలు ఆయన దృష్టికి తీసుకుని వెళ్లగా నీటి కష్టాలను తీర్చే విధంగా కృషి చేస్తానని హామీ ఇచ్చారు.

అనంతరం పొదిలి టైమ్స్ ప్రతినిధితో ఆయన మాట్లాడుతూ పొదిలి మండలంలో ప్రజాస్పందన పూర్తిగా జనసేనకు అనుకూలంగా ఉందని….. ఇంతటి ప్రజాస్పందన రావడానికి కారణమైన జనసైనికులకు కృతజ్ఞతలు తెలిపారు.

ప్రచారంలో యువత ఉత్సహం, ప్రజలలో స్పందన చూసిన తర్వాత ఆయన గెలుపుపై ధీమా వ్యక్తంచేశారు.

ఈ కార్యక్రమంలో ధర్మారావు, షేక్ కాలేషా, ముల్లా బాజీ కరిముల్లా, ఇమాంసాహెబ్, సన్నీ, నవీన్, ఖాజా, ఏసుబాబు, శ్రీనాథ్, జిందాభాషా , కొండలు, ఆది, మరియు జనసేన పార్టీ నాయకులు, కార్యకర్తలు తదితరులు పాల్గొన్నారు.