ఉత్తమ పంచాయతీ కార్యదర్శిగా పద్మ

జిల్లాలో ఉత్తమ పంచాయతీ కార్యదర్శిగా పద్మ ప్రతిభా పురస్కారాన్ని అందుకున్నారు.

వివరాల్లోకి వెళితే గణతంత్ర దినోత్సవం పురస్కరించుకుని
బంగోలు పెరేడ్ గ్రౌండ్స్ నందు నిర్వహించిన గణతంత్ర దినోత్సవ వేడుకల సందర్భంగా ఏర్పాటు చేసిన పురస్కార సభలో జిల్లా ఉత్తమ పంచాయతీ కార్యదర్శి పురస్కారాన్ని పొదిలి మండలం మాదాలవారిపాలెం పని చేస్తున్న పద్మ జిల్లా కలెక్టర్ చేతుల మీదుగా ప్రశంసాపత్రాన్ని అందుకున్నారు.

పొదిలి మండలం మాదాలవారిపాలెం గ్రామ పంచాయతీ నందు కార్యదర్శిగా పనిచేస్తు ప్రభుత్వ పథకాలను అమలు చేయడంలో అలాగే గ్రామ పంచాయతీని ప్రగతిపథంలో ముందుకు నడిపిస్తున్నందుకు గాను జిల్లాలో ఉత్తమ పంచాయతీ కార్యదర్శి పురస్కారాన్ని అందుకున్న సందర్భంగా పలువురు ప్రముఖులు శుభాకాంక్షలు ‌తెలిపారు.

ఈ కార్యక్రమంలో ఒంగోలు పార్లమెంట్ సభ్యులు మాగుంట శ్రీనివాసులురెడ్డి, వివిధ శాఖల జిల్లాస్థాయి అధికారులు తదితరులు పాల్గొన్నారు.