జాతీయ ఓటర్ల దినోత్సవ ర్యాలీ

జాతీయ ఓటర్ల దినోత్సవాన్ని పురస్కరించుకుని స్థానిక తహశీల్దార్ కార్యాలయం నుంచి పెద్ద బస్టాండ్, రథం రోడ్, అమ్మవారిశాల వీధి మీదుగా తహశీల్దారు కార్యాలయం వరకు భారీ ర్యాలీ నిర్వహించారు.

ఈ సందర్భంగా స్థానిక పెద్ద బస్టాండ్ నందు ఓటర్లు ప్రతిజ్ఞ కార్యక్రమాన్ని నిర్వహించిన తహశీల్దారు ప్రభాకరరావు మాట్లాడుతూ 18సంవత్సరాల వయస్సు నిండిన ప్రతి ఒక్క యువతీ యువకులు ఓటరుగా నమోదు చేసుకుని వారు వేసిన ఓటు ద్వారా మంచి ప్రజా ప్రతినిధులను ఎంపిక చేసుకుని శాసనసభలకు పంపించి ప్రజాస్వామ్య వ్యవస్థ పరిరక్షించాలని అన్నారు.

ఈ కార్యక్రమంలో డిప్యూటీ తహశీల్దార్ రఫీ, రెవెన్యూ ఇన్స్పెక్టర్ సుబ్బరాయుడు, సహాయ రెవెన్యూ ఇన్స్పెక్టర్ రమేష్ , శోభ అంగన్వాడీ కార్యకర్తలు, రెవెన్యూ సిబ్బంది, వివిధ పాఠశాలల విద్యార్థులు తదితరులు పాల్గొన్నారు.