పొదిలి భూకుంభకోణలపై సిబిసిఐడి చేత విచారణ జరిపించాలి : కందుల డిమాండ్

పొదిలి పెద్ద చెరువులో అక్రమంగా రియల్ ఎస్టేట్ వ్యాపారం

పొదిలి మండలం పరిధిలో జరిగిన భూ ఆక్రమణలపై సిబిసిఐడితో విచారణ జరిపించాలని మార్కాపురం నియోజకవర్గం తెలుగుదేశం పార్టీ ఇన్చార్జ్ మాజీ శాసనసభ్యులు కందుల నారాయణరెడ్డి ప్రభుత్వాన్ని డిమాండ్ చేశారు.

వివరాల్లోకి వెళితే బుధవారం నాడు పొదిలి మండలం పర్యటనలో భాగంగా స్థానిక తెలుగు దేశం పార్టీ కార్యాలయంలో తనను కలిసిన విలేఖరులతో కందుల నారాయణరెడ్డి మాట్లాడుతూ వెలిగొండ ప్రాజెక్టు పరిధిలోకి పొదిలి మండలాన్ని చేర్చి ప్రతి గ్రామానికి త్రాగు సాగు నీరు అందిస్తామని అన్నారు.

వైయస్సార్ కాంగ్రెసు పార్టీ నాయకులు అధికారులు కుమ్మక్కై పొదిలి పెద్ద చెరువులో అక్రమంగా రియల్ ఎస్టేట్ వ్యాపారం చేస్తున్నారని వీటి పై ఉన్నతాధికారుల చర్యలు తీసుకోవాలని లేకపోతే పెద్ద ఎత్తున ఉద్యమం చేపడతామని హెచ్చరించారు.

అధికారంలో రాగానే ఒక సంవత్సరం లో పొదిలి పెద్ద చెరువును సమ్మర్ స్టోరేజ్ గా మార్పు చెస్తామని ఇచ్చిన హామీ ఏమైందని అధికార పార్టీ నాయకులపై విరుచుకుపడ్డారు.

వైయస్సార్ కాంగ్రెసు పార్టీ నాయకులు పెద్ద చెరువును ఎకరాలకు ఎకరాలు లే ఔట్లు వేసుకుంటు అమ్మకాలు నిర్వహిస్తున్నారని విరి వల్ల పెద్ద చెరువు కు సాగర్ జలాలు వచ్చే అవకాశం లేదని తక్షణమే ప్రజలు ముందుకు వచ్చి పెద్ద చెరువు కాపాడుకోవాలని ప్రజలకు పిలుపునిచ్చారు.

ఎలాంటి ఉద్యమానికైన ప్రజల వెంట తెలుగు దేశం పార్టీ అండగా ఉంటుందని ఆయన అన్నారు.